Leves, fráxiles
nin esculpidas en pedra,
nin forxadas en ferro,
as palabras,
alento breve
no medio do inmenso xelo,
a penas un eco,
o palpexar
dunha pequena luz
na noite.
Tan soas e desvalidas,
tan vulnerables.
(Nin madeira, nin pedra, nin aceiro.)
Déixoas caer
como fillas perdidas
na indiferencia que as acolle.
Cavilo, ¿qué farán sen min?
A penas tremor de ar,
tépedo pálpito de brisa,
as palabras
tenaces resisten
conmovidas,
pequenas chamas
alimentadas de amor
contra o tempo.
6 valentes:
Gustoume moito este poema, mirei na biblioteca e atopei dous libros do autor, Memoria de agosto e O sol entre os dedos. Cal me recomendas?
E xa que estamos, recoméndasme máis poetas galegos?
Grazas por incluír anacos de poesías e letras de cancións no blog, eu que son máis de novela estou descubrindo autores moi bos que non coñecía, como este.
Biquiños dende Barcelona,
Gemma.
Pois non che saberia dicir. A min gustanme moitisimo Pondal, Cabanillas e Enríquez (Pondal é marabilloso, ler a súa poesia é coma ver unha peli bélica chea de honor), pero non son actuais. Eu leo poesia a traves da Biblioteca Virtual Galega, e cando atopo algo que me gusta fago coma ti. E de paso o poño no blog.
Tes o enderezo aqui http://bvg.udc.es/index.jsp podes botarlle unha ollada.
Ainda non fun á biblioteca esta semana, achegareime mañá a ver se teñen algo. Vou coller Memoria de Agosto, se queres podes collelo ti tamen e logo comentamos :)
Non pensaba que habia xente que lese as poesias que poño, que ben ^^ Agora aplicareime mais para seguir buscando cousas que me parezan boas para compartir, coma estas poesias.
Xa teño Memoria de agosto, gustaríame moito comentalo, aínda que non se me dea demasiado ben (un amigo dicía que o meu nivel de comentario é o de "megustismo", decote só sei dicir se me gustou ou non), pero quero intentalo, pode ser divertido.
G
Ai, ai! O venres non puiden ir á biblioteca, pero deste non pasa!
Coas coñas de que saio ás 20h só podo facer estas cousas os venres.
Lichelo xa ou ainda non comezaches?
Non, aínda non o comecei, estou a ler Xeración perdida, de Francisco Castro (descubrín o seu blog de literatura e tiven curiosidade por saber como escribía). Rematareino hoxe ou mañá, supoño, estame a gustar moito.
Se queres podo esperar ata o venres, teño que ler tamén o Libro de buen amor
Publicar un comentario
<< Home