Festa festa!
O dia 19 toca Guezos ainda non sei se en Ponteulla ou en San Mamede de Ribadulla.. o caso é que tocan coa Peón e con Susana Seivane.
E resulta que o dia 19 é sábado ^_^ ¿Alguen se anima?
"Chega marzo, e comezan as celebracións gastronómicas no concello de Vedra.

A primeira cita é a festa da augardente. Este ano vaise celebra-lo sábado 19
de marzo .

Previamente a cata realizarase o venres 11 de marzo no campo da festa de San
Mamede de Ribadulla.

A festa comezará co acendido das potas ás 13:00 horas .

Logo de poñe-las potas en funcionamento celebrarase no campo da festa a misa
cantada pola Coral de San Mamede de Ribadulla.

Ás 14:00 horas terá lugar o pregón a cargo do Sr. Ángel Bernardo Tahoces e
seguidamente actuará a escola de música de Santa Cruz de Ribadulla.

Xa logo pola tarde, despois de degusta-los produtos típicos da zona,
(filloas, chourizos, polbo, etc) haberá diferentes actuacións musicais e
folclóricas a cargo do Grupo Filandeiras de San Xián de Sales , e a
Asociación Cultural Santiaguiño de San Pedro de Vilanova.

Xa ben entrada a noite poderase degustar de xeito gratuíto unha gran
queimada , que terá como esconxuradoras ás actrices Mariana Carbajal e Mela
Casal; máis coñecidas como "Maribel dos Tonechos" e "Socorrito".

Para que a queimada non se faga "dura" , os organizadores da festa
prepararon unha noite de moita troula e pándega cun impresionante festival
de música folk , que contará coas actuacións de Peter O´Reilly, Susana
Seivane, Mercedes Peón, Xoquilmica e GUEZOS.

A festa continuará ata altas horas, ou ata que o corpo aguante"

PERO QUE BOA PINTA! ¡filloas! ¡chourizos! ¡augardente! ¡sábado!
O que non sei é como facer para achegarme alá, terei que preguntar na estación de buses. Veña, apuntadevos!