Estaba botando unha ollada ó dos famosos premios dos blogs.
Estou sorprendida porque teño dous votos ^_^
Apunteime porque asi seriamos mais. Decidin non poñer o botonciño para votar no blog, sen embargo entrei na páxina e votei como tola ós demais, jaja.
Teño que recoñecer que teño un mal perder. Non me gustan os concursos nen as competicions, sobre todo porque sempre hai quen trampea todo, como parece ser o caso do concurso.
Pero bueno, trapalladas aparte. Gracias ós que me votastes por vos lembrar de min! Por tomar a molestia de premer o botonciño e confirmar o voto. Teño un contador que amosa as visitas (incluidas as que non queren entrar e me atopan procurando calqueira cousa no google), pero gústame saber que de cando en vez pola cabeza de algún pasa o meu blog.
E como xa levo mais dun ano nisto, aproveito para darvo-las gracias a todos os que entrades a miúdo ou non tan a miúdo. Porque podedes non entrar, e decidides facelo, porque comecei con isto eu soa e xa levo máis de cen visitas (nunca o crin posible), porque coñecín a membros dun dos meus grupos favoritos, polos blogs á feira, pola frase do mes de cesteiro, por Diego, que foi o meu primeiro visitante non-hostil (jaja), polos que se foron, polos que viñeron, polos que buscan "conas boas" no google (unha vella historia...), por blogger e por milleiros de cousas que se me esquecen. E que carallo, porque si!

¡Gracias! :)