Hai xa uns días que saíron trailers do novo Tomb Raider Legend.
Despois da pataca do Angel of Darkness xa tremía. Lembro que houbo unha petición online para que voltase o compositor da música de sempre, que participou que eu saiba en tódolos xogos agás no AOD.
Para os que non o xogaron, dicirlles que non perderon nadiña. Apareceu da nada unha barra de cansanzo, Lara bailaba tentando subir as escaleiras, tiña un control penosísimo e esencia=0.
Sempre admirei a sensacion de soidade e de irrealidade dos TR. O son estaba moi coidado (para o meu gusto). Entrabas nunha sala escura con Lara e comezabas a escoitar ruidos raros. E claro, non sabías para onde ir. De súpeto, tiñas algo enriba. O chimpo na silla non cho quitaba ninguén. E cando se facía a luz, vías unha sala preciosa. Era coma sentir se realmente estiveras alí, visitando as ruinas.
Pois todo isto o Angel of Darkness perdeuno.
O Legend ten moi moi boa pinta. Semella que Lara percorre de novo edificios no medio da selva, ten novos movementos e é mais espectacular se cabe. Volve ter esas vistas, eses escearios preciosistas e detallados. Non quero falar antes de tempo, pero ¿podería ser que Lara voltou?
Penso mercar máis RAM se é preciso. O novo Tomb Raider non mo quita ninguén.
Hai más información en inglés aquí, de onde quitei os videos e os trailers. Para baixalos, hai que facer click en "Movies & Trailers".
Iso sí, Lara neste xogo parecese moitísimo máis ca antes a Indiana Jones. Hai por ahi un par de movementos igualiños ós da Máquina Infernal. Espero que sexa só nese par de movementos! :D